أحلى الآوقات
اهلا ومرحبا بك يا زائر في اسره منتدى أحلى الآوقات

نتشرف بدخولك بالمنتدى

وترسم عليه رسمتك ابداعك ، وتفيد وتسفيد بيننا سويا ،

و نرتقى بمنتدانــا الى قمه المنتدايات وتميز والجديد بأستـــمرار

تحــيــاتى

أحلى الآوقات

منتدى أحلى الآوقات
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 للي لسه ما ستعدش لرمضان ادخل هنا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
No name
صاحب المنتدي
صاحب المنتدي
avatar

انثى عدد المساهمات : 402
نقاط : 826
السٌّمعَة : 0
تاريخ التسجيل : 26/02/2010
الموقع : أحلى الآوقات

مُساهمةموضوع: للي لسه ما ستعدش لرمضان ادخل هنا    السبت أغسطس 07, 2010 4:29 am


ياللا دي فرصتك الأخيرة قبل رمضان
يالا قبل ما تدخل رمضان وانت ف تلاهي

انت عارف ان الغفله ف رمضان تخليك تخسر رمضان ؟
سلم يارب

لو لسه قلبك قاسي
وخايف تدخل رمضان وانت بالقيود دي
تابع معايا الخطوات دي عشان تفك قيودك


أول وصية :
اوعى تأمن مكر ربنا

ومكر ربنا يعني : عذابه وجزاءه على مكرهم بذنوبهم
و استدراجهم بالنعم والصحة


الشخص المُستدرك مييعرفش أنه مستدرج ,, وبيحس أنه فى نعمه ودا لجهلة
مثلاً :
تلاقي اللي يُصر على بعض المعاصي ويتقرب بشوية طاعات
ويظن ان الطاعات دي حتغفر له المعصية دي اللي أصر عليها و مش ناوي تغييرها
ويستصغرها ولا حول ولا قوة إلا بالله

مثلاً :
واحد يعمل سيئات ويمكر ويدعي إنه عايز يتوب

مثلاً :
واحد يقارن نفسه في الالتزام باللي أقل منه في الالتزام

ومن اعظم الذنوب انك تصر على الذنب وبعدها تعمل انك بتستغفر
عارف العقوبة بأه ايه ؟

مش بس ان النعم تنقص
دا كمان تتحرم من الطاعة ومن مناجاة ربنا

وايه الحل؟
الحل


1- خليك دائماً مستغيث بالله وقول


" يا مُقلب القلوب ثبت قلبي على دينك "



2- خاف دايماً أنك تسلب الإيمان





3- ما تعتمدش على عملك خالص


ومش معنى كدا انك متعملش حاجة .. لاء


لما حدث النبي -صلى الله عليه وسلم- أصحابه بأنه
( ما من أحد إلا وقد كتب مقعده من الجنة ومقعده من النار )
قالوا : يا رسول الله ألا ندع العمل ونتكل ؟
قال : ( لا اعملوا فكلٌ ميسر لما خلق له ) ثم قرأ :
" فأما من أعطى واتقى وصدق بالحسنى فسنيسره لليسرى وأما من بخل واستغنى وكذب بالحسنى فسنيسره للعسرى "
فانت اشتغل وقول بجد من قلبك :


" سبحانك ما عبدناك حق عبادتك "



4- عليك كمان بانك تستغيث بربنا كأنك وسط البحر وممعاكش الا خشبة صغيرة


وقربت تغرق وقول :


اللهم إن أردت بعبادك فتنة فاقبضنا إليك غير مفتونين



وبالدعاء تتفتح اقفال قلبك





********





نيجي دلوقت لللإستعدادات الحقيقة لرمضان


تابع معايا الخطوات العلاجية دي عشان تفك قيدك :


1/ جدد توبتك
اكتب قايمة بالعيوب والآفات وحاول تتخلص منها

2/ اسجد كتييير
ودا عشان يتحقق الذل و الانكسار بقلبك فيغفر الله لك

3/ خذ الكتاب بقوة
ميقلش وردك عن جزأين ،، جزأ بقراءة سريعة عشان تاخد حسنات كتير ،، وجزأ تقراه بتدبرعشان تفتح أغلال القلب والاستشفاء بالقرآن

4/ لازم تفهم عن الله
ودا أهم معنى ، فتنال بالعلم دا الشرف عن الله عز وجل ، فأقرب الناس إلى الله اعرفهم بالله
فابدأ بدراسة اسم من الأسماء كل أسبوع وأبدا بالأسماء اللي مش مشهورة زي اسم الله المقيت أو الوتر أو القدوس


5/ لازم تدل على الخير
فوصفة الصلاح أنك تكون صالح مُصلح
ودا بأنك تعمل في الدعوة إلى الله باللي تقدر عليه
فدي من الأعمال التقيلة مضاعفة الأجر و كمان بتخفف من الذنوب الثقيلة


6/ اعمل نوافل كتيير
قال تعالى فى الحديث القدسي : " وما تقرب لي عبدي بشيء أحب إلي مما افترضته عليه، ومازال عبدي يتقرب إلي بالنوافل حتى أحبه فإذا أحببته كنت سمعه الذي يسمع به وبصره الذي يبصر به ويده التي يبطش بها وقدمه التي يمشي بها وإذا سألني لأعطينه وإذا استغفرنيلأغفرن له وإذا استعاذني أعذته. "


و قال النبـي صلى الله عليه وسلم : "وصلاة على أثر صلاة لا لغو بينهما كتاب في عليين "
وشرح الحديث أن الوقت بين صلاة والصلاة اللي بعدها وما عملتش فيها ذنوب فيه يكون كتابك في عليين
ودا بين صلاة المغرب والعشاء ،، والفجر والظهر ... وهكذا
ومن السنة المهجورة إحياء ما بين المغرب والعشاء بالصلاة

7/ طلّع الدنيا من قلبك
ودا يتحقق بقوله عز وجل : " لَنْ تَنَالُوا الْبِرَّ حَتَّى تُنْفِقُوا مِمَّا تُحِبُّونَ "


عملي : طلع لله الحاجات اللي بتحبها قوي زي فستان حلو أو أي شيء عزيز عليك

8/ جاهد هواك
فقل لنفسك : لاااااااااء
لاء للنوم ،، لاء للكسل ,, لاء للدعة
افتكر : قال تعالى ﴿ وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ ﴾

9/ صلح المعاملات
زي الحقوق تجاه أهلك وعشيرتك
وحقوق قرايبك انك تزورهم وتسأل عليهم

10/ خير العمل أدومه وإن قل
فاستمر على مثلا : ذكر النوم ،، سورة تبارك يوميا المُنجية من عذاب القبر وصلي بيهم ركعتين بالليل ،، تثبيت ورد استغفار ما تستقلش أي عمل ولو كان صغير

11/ عيش حُلم الجنة
لأن حُلم الجنة هو اللي يفتح لك باب الرجاء
ورمضان فيه العتق .. يعني هو حُلم الجنة
وكمان استشعر لهيب النار

12/ لسانك ما يبطلش ذكر
عشان الغلفة تروح عنك ، وتصدق كتيييير

13/ إلا أن تقطع قلوبهم
عليك بتوبة بدمعة عين تمحي قسوة القلب ،، بخشية قلب تبدد القسوة والغفلة
ومفتاح الدمعة دي : الإستغاثة و إظهار العيب
"فيتقطع قلبك بذكر عيبك أمام ربك "

14/ خليك بخيل بزمانك
فمن اللحظة دي قدر أن رمضان أيام معدودات ،، لحظات معدودات ،، ثواني معدودات
فمعنديش أي استعداد ان ثانية تضيع
فكفايه اللي ضاع ،، ومش حسمح أن أضيع اى لحظة خير تانية
وايش عرفك يمكن يكون آخر رمضان في حياتك !!!!!!!!!!
" وما يدريك لعل الساعة تكون قريبا"

اللهم بلغنا رمضان أعواماً عديدة
اللهم آتنا فى الدنيا حسنة وفي الآخرة حسنة وقنا عذاب النار

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
للي لسه ما ستعدش لرمضان ادخل هنا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أحلى الآوقات :: ♥ஓ♥ آلَقِــسِــمٍــ آلآسِــلآمٍــيًــ ♥ஓ♥-
انتقل الى: